Urugvajci neće potcijeniti Zelenortska ostrva na Mundijalu

Zelenortska ostrva su apsolutni hit prvog kola grupne faze Svjetskog prvenstva, nakon što su uspjela da izdrže defanzivno i izvuku bod protiv evropskog prvaka, Španije (0:0).

Njihovi naredni rivali, Urugvajci, sigurno ih neće gledati istim očima. "Plave ajkule" i "nebeskoplavi" odmjeriće snage tačno u ponoć u noći između nedjelje na ponedjeljak u Majamiju.

Ambicije Zelenortskih ostrva su jasne, bez obzira na očekivanja. "Prije nego što smo došli ovdje imali smo samo jedan cilj - da prođemo grupu. Utakmica sa Španijom nam daje dodatnu snagu, više vjere u sebe. Znamo naše kvalitete", rekao je Sidni Lopes Kabral.

Telmo Arkanjo očekuje težak duel sa Urugvajcima. "Biće to veoma težak meč, sa dosta duela. Dobra utakmica za nas, dobar test, nadam se da će otići u željenom pravcu".

Urugvaj je šampionat započeo remijem 1:1 protiv Saudijske Arabije. Tim Marsela Bijelse očekuje atipičnog rivala koji će se sigurno braniti.

"Imamo svoj stil igre i moramo da budemo strpljivi protiv Zelenortskih ostrva. Lopta mora da se kreće dobro zato što neće biti lako da igramo direktnu igru dok oni stoje u niskom bloku. To su detalji na kojima radimo", kazao je Rodrigo Bentankur.

Ovo će biti prvi međusobni duel Urugvaja i Zelenortskih ostrva.