Društvo
Neriješen rezultat na meču Paragvaj - Australija, Australija ide u nokaut fazu
Meč između Paragvaja i Australije završen je bez golova, što je odgovaralo i jednoj i drugoj ekipi. Australija je sa drugog mjesta obezbijedila plasman u nokaut fazu, dok Paragvaj čeka dalji rasplet.
Prije početka susreta sumnjalo se da će meč Paragvaja i Australije biti oprezan, što se i obistinilo jer mreže u Santa Klari nisu bile zatresene - 0:0.
Remi je bio ishod koji odgovara i jednoj i drugoj strani, mada malo više Australiji koja sa drugog mjesta sigurno ide u nokaut fazu i trenutno čeka rivala.
Paragvajci su na trećem mjestu sa četiri boda, ali moraju da sačekaju rezultate ostalih grupa. Izgledi su im dobri da kao jedna od osam najboljih trećeplasiranih ekipa prođu u šesnaestinu finala.
"Sokerusi" su dominirali u prvom poluvremenu, ali nisu imali velike šanse.
Najbliži vođstvu bili su u četvrtom minutu kada je poslije centaršuta po zemlji sa desne strane Džekson Irvajn šutirao, ali je golman Paragvaja Orlando Hil odbranio i poslao loptu u korner.
Vrijedni pomena su bili i udarci Džordana Bosa i Kristijana Volpata.
Ni u drugom poluvremenu nije bilo prilika do same završnice. U 90. minutu Džordan Bos je šutirao iskosa sa desne strane, gađao dalji ugao, ali je lopta prošla malo pored stative gola Paragvaja.