Đoković nakon četiri seta izborio plasman u treće kolo Rolan Garosa

Novak Đoković plasirao se u treće kolo Rolan Garosa nakon pobjede nad Francuzom Valentinom Rojeom rezultatom 3:1 – 6:3, 6:2, 6:7, 6:3.

Iako je djelovalo da će srpski teniser lako završiti posao poslije sigurna prva dva seta, Roje je od sredine trećeg seta zaigrao mnogo bolje i uz veliku podršku publike uspio da uvede meč u neizvjesnost.

Francuz je spasio meč-loptu u taj-brejku i osvojio treći set rezultatom 9:7.

Đoković je ipak odgovorio u četvrtom setu, napravio ključni brejk za 3:1 i potom kontrolisao meč do kraja. Iako je propustio nekoliko prilika da ranije završi duel, petu meč-loptu je pretvorio u pobjedu poslije skoro četiri sata igre.

U narednoj rundi Novak će igrati protiv boljeg iz duela Žoaa Fonseke i Dina Prižmića.